Martinez “shuan” Real Madridin: Më intereson vetëm Belgjika – Lajmi.net
Martinez “shuan” Real Madridin: Më intereson vetëm Belgjika
Autori: Lajmi.net La LigaLajme futbolliLiga e KombeveSport 16:23, 9 November 2018
Që nga shkarkimi i Julen Lopeteguit, Real Madrid po synon të emëroj një trajner me plane afatgjate.

Si zëvendësues i Lopeteguit, përkohësisht në krye është vendosur Santiago Solari, i cili megjithatë ka arritur rezultate mjaft të mira në ndeshjet e tij të para.

Ndër emrat që pëlqehen më së shumti nga “mbretërit” është ai i trajnerit të Belgjikës, Roberto Martinez.

Ky i fundit duket se nuk është i interesuar aspak për kalimin në “Santiago Bernabeu”.

Ai ka insistuar se është i përkushtuar vetëm në kombëtaren belge dhe mendja e tij nuk është askund tjetër.

“Nuk dua të tregoj nëse unë apo agjenti kemi pasur kontakte me Real Madridin” ka thënë Martinez në konferencën për shtyp, transmeton lajmi.net.

“Kjo nuk ka lidhje dhe do të ishte mos-respekt në prag të ndeshjeve të Ligës së Kombeve, kundër Zvicrës dhe Islandës. Mesazhi im është i njëjti, gjëja e vetme që më intereson është Belgjika” ka thënë trajneri.

Martinez dhe Antonio Conte janë dy shënjestrat kryesore të “Los Blancos”. /Lajmi.net/

Fotolajm

Rozana Radi provokon nga pasqyra, shfaq gjoksin më shumë se ç’duhet
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO