Marina ishte gati të paguante shifër marramendëse për tu bërë velinë në televizion
Kozeta Kurti e ftuar në “Pop Culture” në Top Channel zbuloi gati çdo projekt të cilin ajo kishte udhëhequr apo marrë pjesë në këtë televizion.
ShowBiz
Një prej tyre ishte dhe “Shtojzovallet”, që me shumë mundësi një pjesë e mirë prej jush e mbani mend si emisionin veror ku zgjidheshin edhe velinat e Fiks Fare në një maratonë të gjatë koncertesh dhe aktivitetesh në të gjitha qytetet kryesore të Shqipërisë, shkruan Blitz.al.
Në studion e “Pop Culture” u dha një fragment nga audicionet e “Shtojzovalleve” në vitin 2004 ku në një intervistë ishte pikërisht Marina Vjollca, bukuroshja bionde që më pas u bë velinë e Fiks-it.
“Sa lekë do të jepje që të bëheshe velinë e Fiks-it?” – pyetet Marina ndërkohë që ajo duke qeshur thotë: “4 milion lekë”. Sigurisht kjo përgjigje ka shkaktuar të qeshura edhe tek Kozeta Kurti e Dojna Mema që po e dëgjonin në studio insertin nga arkivat e 2005-ës.
“Në fakt Marina për pak do ta humbiste shansin. Ajo kishte ardhur më vonë seç duhej në audicione dhe ne u detyruam që ta bënim pjesëmarrëse të një qyteti tjetër në mënyrë që ajo të konkurronte pasi unë pash potencial tek ajo. Shumë e ëmbël” – është shprehur Kozeta në studio.