Gaizka Mendieta beson se Barcelona do ta eliminojë Bayern Munichun në gjysmëfinale të Ligës së Kampionëve.

Ish mesfushori spanjoll favorizon gjigantin katalan për të kaluar në finalen e Berlinit para duelit me bavarezët, sonte në Camp Nou.

“Barcelona është në avantazh, Bayern do t’i vuajë shumë mungesat e futbollistëve si Ribery e Robben”, deklaroi Mendieta për “Goal”.

“Nëse Barcelona luan në mënyrën siç ka bërë në javët e fundit, nuk e shoh Bayernin duke i mposhtur”, u shpreh ai.