Manchester United pësoi humbje të befasishme nga Swansea në kuadër të xhiros së parë në Premierligë. Louis van Gaal u mposht në debutimin e tij në elitën e fundit anglez pasi Swansea fitoi me rezultat 2:1 në Old Trafford.

Sung-Yueng Ki kaloi mysafirët në epërsi pas pak më pak se gjysmë ore lojë, rezultat me të cilin përfundoi pjesa e parë. United barazoi shifrat pas intervalit me një gol të bukur nga Wayne Rooney në minutën e 53-të.

Por, kur vendasit tentuan të përmbysnin rezultatin, Swansea i ndëshkoi sërish. Gylfi Sugurdsson riktheu epërsinë e mysafirëve, e goli i tij doli të jetë edhe ai i rezultatit përfundimtar të ndeshjes.

Adnan Januzaj u inkuadrua në lojë në minutën e 24-të në vend të Jesse Lindgard të lënduar, por as paraqitja pozitive e tij nuk i ndihmoi ekipit që t’i shmanget disfatës.