Malli për Ronaldon
Tifozët në Santiago Bernabeu ka filluar t’i marrë malli për Cristiano Ronaldon. Ylli portugez që gati dy muaj nuk ka luajtur në shtëpinë e Real Madridit. Por, ai do të rikthehet në aksion të hënën.
Sport
Santiago Bernabeun ka filluar ta kaplojë malli për yllin e tij më të madh, Cristiano Ronaldo.
Rikthimi i portugezit për Real Madridin në ndeshjen kundër Celta Vigos të hënën mbrëma do të jetë dhurata ideale për përkrahësit e Los Blancos në këtë fillim viti.
Gati dy muaj kanë kaluar prej paraqitjes së fundit të Ronaldos në shtëpi, më 9 nëntor kundër Real Sociedadit. Në atë duel, ylli portugez shënoi het-trik por fatkeqësisht për një arsye ose tjetrën nuk luajti më.
Ai shkoi me Portugalinë për dy ndeshjet e barazhit e më pas u rikthye në udhëtim tek Almeria ku pësoi një lëndim. Ky dëmtim bëri që ai të mungojë në tri ndeshje si vendas gjatë dhjetorit, Galatasaray, Vlladolid dhe Olimpic de Xativa.
Mirëpo, tani është shëndosh e mirë dhe do të jetë sërish titullar para përkrahësve të tij në Bernabeu, para javës së fundit vendimtare, ku do të shpallet fituesi i Topit të Artë.
Ronaldo është finalist së bashku me Lionel Messin dhe Franck Riberyn.