Vetëm kështu një kosovar mund të ketë një vend pune në institucionet, apo ta ruajë vendin e punës, sipas sistemit qeverisës të krijuar pasluftës.

Mirëpo, publikisht dhe të partë e thonë këtë mësimdhënësit e shkollës së mesme profesionale “Lasgush Poradeci” dhe 24 të tjerë në “Qendrën e Kompetencës”, akuzojnë komunën e Malishevës se i viktimizoi për motive politike dhe aspak profesionale.

Drejtoria Komunale për Arsim (DKA), në këtë komunë, akuzohet nga këta mësimdhënës se ka shkelur ligjin, duke i larguar ata nga vendet e tyer të punës dhe duke pranuar të tjerë.

Jo pak nga ta pranojnë se janë zyrtarisht pjesë e Partisë Demokratike të Kosovës (PDK) dhe se partia tjetër Nisma për Kosovën po iu hakmerret se nuk e kanë përkrahur gjatë zgjedhjeve.

Jakup Gashi, një nga mësimdhënësit që është larguar nga puna dhe përfaqësues i Grupit të larguar, thotë se në vendet e tyre të punës janë pranuar me konkurs.

“Një listë që e ka publikuar DKA-ja të premten, ne vetëm atëherë jemi informuar se vendet tona i janë ndarë dikujt tjetër, ka thënë ai për “Zërin”.

Sipas kësaj liste, ai thotë se profesori me gjuhë shqipe do të japë lëndë të bibliotekës dhe lëndë të informatikës (TIK).