Majlinda, e artë në Budapest
Majlinda Kelmendi ka fituar një tjetër medalje të artë. Xhudistja pejane triumfoi në Grand Prix në Budapest duke mposhtur në finale italianen Odete Giuffrida.
Sport
Majlinda Kelmendi ka shënuar një tjetër sukses të madh. Xhudistja pejane ka fituar medaljen e artë në turneun Grand Prix në Budapest.
Ajo pa problem kaloi në finale pas fitoreve ndaj kundërshtareve, Laura Gomez, Priscilla Gneto dhe Annabelle Euranie.
Ndërsa, në duelin vendimtar për medaljen e artë, Kelmendi triumfoi me Ippon kundër xhudistes italiane Odete Giuffrida.
Në këtë mënyrë, Kelmendi konfirmoi edhe njëherë epitetin e xhudistes më të mirë në botë dhe Evropë në kategorinë e saj deri në 52 kilogramë.