Luftë e re, Real Madrid – Barcelona
Real Madrid dhe Barcelona së shpejti mund të gjenden në një luftë të re. Dy gjigantët e La Ligës janë të interesuar për transferimin e talentit të madh të Veronës, Juan Manuel Iturbe.
Sport
Real Madrid dhe Barcelona janë rivalë të urryer mes vete, që shpeshherë janë ballafaquar mes vete në fushë, por edhe jashtë saj.
Së shpejti, dy gjigantët e La Ligës mund të përplasen sërish, por jo në një ndeshje.
Los Blancos dhe Blaugrana do të hyjnë në betejë për transferimin e talentir të Veronës, Juan Manuel Iturbe, ka bërë të ditur portali Sport.es.
20-vjeçari e mbylli një edicion në formë të shkëlqyeshme dhe ndihmoi veteranin Luca Toni që t’i rikthehet golave derisa Verona e mbylli sezonin e parë pas promovimit në pozitën e dhjetë.
Real Madrid dhe Barcelona zhvilluan një betejë të ashpër në verën e vitit të kaluar për sulmuesin Neymar, i cili në fund u transferua në Camp Nou.
Njësoj mund të ballafaqohen edhe për Iturben. Ku do të përfundojë ai? Vetëm koha do të tregojë.