“Lufta” e dyfishtë ndërmjet AAK-së dhe LDK-së më 17 dhjetor – Lajmi.net
“Lufta” e dyfishtë ndërmjet AAK-së dhe LDK-së më 17 dhjetor
Autori: Lajmi.net LajmePolitikëZgjedhjet Lokale 2017 10:49, 3 December 2017
Lidhja Demokratike e Kosovës dhe Aleanca për Ardhmërinë e Kosovës më 17 dhjetor do të garojnë për ta fituar komunën e Istogut.

Haki Rugova dhe Gani Dreshaj për të tretën herë do të synojnë t’i bindin qytetarët që t’ua japin votën për të parin e kësaj komune.

Por triumfi për ta fituar Istogun ndërmjet këtyre dy partive, nuk do të jetë gara e vetme më 17 dhjetor shkruan lajmi.net.

LDK-ja dhe AAK-ja janë në një “finale” ku do të garojnë për partinë e cila ka numrin më të madh të komunave të fituara nga zgjedhjet lokale.

Aktualisht të dy partitë i kanë nga shtatë komuna ku do të udhëheqin, kurse më 17 dhjetor njëra do ta rris këtë numër.

AAK-ja e Ramush Haradinajt e cilësuar si befasi e zgjedhjeve lokale ka fituar në: Gjakovë, Junik, Deçan, Obiliq, Suharekë, Klinë dhe Rahovec.

Kurse Lidhja Demokratike e Kosovës ka siguruar qeverisjen në: Fushë Kosovë, Podujevë, Gjilan, Pejë, Vushtrri, Lipjan dhe Viti.

Sa i përket Istogut në votat e rregullta fitues doli Haki Rugova me rreth 600 vota dallim. Rezultat i cili u përmbys pas numërimit të votave me kusht dhe me postë, ku Dreshaj i AAK-së fitoi shumicën e tyre, duke dalur i pari.

Pas ankesës së LDK-së, PZAP hetoi votat me kusht dhe me postë, dhe propozoi që në Istog të ketë rivotim.

Ky vendim u përkrah edhe nga Gjykata Supreme, kurse sot KQZ vendosi që Istogu të rivotojë më 17 dhjetor.  /Lajmi.net/

Fjalët kyçe: AAK, LDK

Fotolajm

‘’Në makinë, ka njerëz që nuk do të takohen kurrë më!’’
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Supercar Showdown
  • Play Turbo Racing 3
  • Play World Soccer Champion
  • Play 8 Ball Pool