Ludogorets Razgrad do të ndeshet me Real Madridin të mërkurën në kuadër të xhiros së dytë në fazën e grupeve të Ligës së Kampionëve.

Dhe, pronari i skuadrës bullgare, Kiril Domuschiev është shprehur mjaft optimist për duelin me Los Blancos.

“Reali nuk do të fitojë, do të përfundojë 2:2”, deklaroi Domuschiev.

“E tërë Bullgaria do të jetë me ne. Nuk na paraqet fare problem që do të luajmë në Sofje në vend të Razgradit”, shtoi ai.

Mirëpo, optimizmi i nikoqirit vështirë se do të mjaftojë në duel me yjet e Real Madridit që në javët e fundit kanë bombarduar portat kundërshtare.