Loriana Kuka mbetet pa medalje në Kampionatin Evropian
Loriana Kuka ka mbetur pa medalje në Kampionatin Evropian të xhudos.
Sport
Garuesja nga Kosova është ndalur në repesazh nga portugezja Yahim Ramirez.
Loriana Kuka që garoi në 78 kilogramë u mposht me Ippon pas një gabimi të vogël.
Për Lorianan që debutoi, evropiani nisi me një fitore dhe përfundoi në tetë garueset më të mira në Evropë, që është sukses i madh për të.
Ekipi i xhudos e përfundon evropianin me një medalje të artë, një të argjendtë dhe me dy garues që përfunduan në tetë më të mirët./Lajmi.net/