Zëvendëskryeministri serb, Rasim Ljajiq ka thënë se mallra serbe ka anembanë Kosovës dhe se atje mbërrin nëpërmjet rrugëve alternative.

Duke theksuar se zyrtarët serbë menjëherë pas vendimit për taksë ndaj mallrave serbe në Kosovë kanë paralajmëruar për tregun e zi, Ljajiq për “Radiotelevizionin e Serbisë” ka thënë se në dyqanet serbe në veri të Kosovës shihet se ka mallra të mjaftueshme serbe, që atje mbërrin nëpërmjet kanaleve të ndryshme, transmeton lajmi.net.

“E keni situatën e grurit tonë i cili shkon në Kroaci, dhe nga atje transportohet si grurë i Kroacisë dhe shitet në Kosovë. Një pjesë e mallit shkon ashtu që, për shembull, shitet ndonjë afaristi në Maqedoni, e ai më pas e rieksporton në Kosovë”, tha ai.

Ljajiq ka thënë se në tre muajt e deritashëm pas vendimit për taksë priten humbje prej rreth 90 milionë euro vlerë e mallrave, për dallim nga priudha e njëjtë e vitit të kaluar. /Lajmi.net/