Lista Serbe lëshon seancën ku do të votohet për projektligjet e FSK-së
Lista Serbe e ka braktisur seancën e Kuvendit të Kosovës pak minuta para se të hidhen në votim tri projektligjet për Ushtrinë.
Lajme
Pasi Igor Simic nga Lista Srpska ka treguar se përfaqësuesit serbë në Kuvend kundërshtojnë kategorikisht formimin e ushtrisë, të gjithë deputetët e e Listës Srpska kanë liruar sallën e Kuvendit.
Simic mbajti një fjalim të shkurtër ku shprehi qëndrimin kundërshtues të Listës Serbe, para se ky grup të braktiste seancën.
Ai tha se transformimi i FSK’së në ushtri nuk është në interes të komuniteteve.
Ndërkaq, deputeti i PDK-së, Fatmir Xhelili, ka thënë se Lista Serbe nuk i përfaqëson të gjithë serbët e Kosovës, sepse sipas tij shumica prej tyre janë pro formimit të Ushtrisë.
