Distanca prej 9977 kilometrash do të shënojë udhëtimin më të gjatë të ndonjë treni në historinë e njerëzimit, pasi do të jetë më i gjatë për 673 kilometra se sa linja Trans-Siberiane që lidhë Vladivostokun me Moskën.

Qyteti Yiwu është qendra më e madhe e shitjes së mallrave me shumicë për bizneset e vogla, që kishte për synim mbulimin e tregut në shtetet arabe, dhe tani edhe vendet evropiane.  

Qeveria kineze ka ndarë 40 miliardë dollarë amerikanë në përmirësimin e infrastrukturës hekurudhore dhe trenave për transportimin e mallrave me synim për të vazhduar zellin e Kinës për të thelluar lidhjet ndërmjet ekonomisë së saj që po lulëzon me tregjet në Evropë.

Me këtë lëvizje Pekini zyrtar dëshiron të tregojë edhe “muskujt kinezë” në sektorin e transportit hekurudhor në lidhjet midis dy kontinenteve, që vazhdon të jetë e dominuar nga kompanitë evropiane.  

Rruga hekurudhore Yiwu-Madrid që kalon përmes rajonit Xinjiang dhe pastaj i bie përmes Kazakistanit, edhe shekuj më parë ka shërbyer si rrugë për qarkullimin e mallrave me karvane nga Azia në Evropë.