Limaj: Shqiptarët do t’i nderojnë përjetë e mot të gjithë ata që trasuan rrugën drejt lirisë
Zëvendëskryeminsitri i Kosovës, Fatmir Limaj, ka marrë pjesë në zbulimin e shtatoreve të Ymer Prizrenit, Abdyl Frashërit dhe Sylejman Vokshit.
Lajme
Në prag të mbledhjes se dy qeverive shqiptare që do të mbahet nesër në Pejë, përfaqësues të dy qeverive shqiptare kanë marrë pjesë në zbulimin e shtatoreve të Ymer Prizrenit, Abdyl Frashërit dhe Sylejman Vokshit.
Zëvendëskryeministri i Kosovës, Fatmir Limaj, i ka vlerësuar lartë këto figura.
Sipas Limajt, qyteti i Prizrenit është zbukuruar edhe më shumë më shtatorët e tre heronjve, shkruan lajmi.net.
Përmes një postimi në profilin e tij zyrtar në rrjetin social Facebook, Limaj ka shkruar se, shqiptarëtdo t’i nderojnë përjetë e mot të gjithë ata që trasuan rrugën lirisë.
Statusi i plotë i Limajt pa ndërhyrje:
Në prag të Festës Kombëtare të 28 Nëntorit dhe në kuadër të shënimit të Vitit Mbarëkombëtar të Gjergj Kastriotit-Skënderbeu, në qytetin historik të Prizrenit, së bashku me Qeverinë Shqiptare përuruam shtatoret e figurave të ndritura kombëtare; Ymer Prizrenit, Abdyl Frashërit dhe Sylejman Vokshit.
Këta tre burra të mëdhenj të kombit ishin ideatorët dhe burrështetasit e Lidhjes Shqiptare të Prizrenit.
Shqiptarët do t’i nderojnë përjetë e mot të gjithë ata që trasuan rrugën drejt lirisë.
Përgëzime autorëve të këtyre shtatoreve të cilat zbukuruan qytetin e Prizrenit!
Lavdi jetës dhe veprës të Ymer Prizrenit, Abdyl Frashërit, Sylejman Vokshit dhe gjithë delegatëve të Lidhjes Shqiptare të Prizrenit!. /Lajmi.net/