Kanuni u ka ndihmuar shqiptarëve të ruajnë disa virtyte, si besën nderin e mikpritjen, por u ka kushtuar rëndë në dëmtim filizash të tërë, në ruajtje të krenarisë së fisit. Aksidentalisht, u ndodhëm në protestën e 28 nëntorit, kur Dardan Molliqaj ‘për ta mbrojtur’ e nxori nga makina një pushtetar, të cilit iu lëndua krenaria, dhe u tha se mund të vihet në funksion kanuni.

Një problem që m ‘len pa gjumë, është policia e vendit, e cila detyrohet të ruaj rendin dhe qetësinë, dhe mund të bëj shkelje kanunore, derisa zbaton ligjin…! Na u deshën vite e dekada që ta kemi një uniformë puro-kosovare, ndërsa s ‘hamendemi ta përdhosim këtë simbol shteti, të cilin hasmit i gëzohen.

Armiku gjithashtu i gëzohet zbrazjes së vendit, sa nga gjendja e rëndë sociale, poaq edhe nga pasiguria. Altin Gara pati një ngatërresë me AndiXhyrevcin, në tetor 2011, ndërsa gjyqi e ftoi këtë vit në seancë, kur Altini tashmë kishte lëshuar vendin. Ngatërresa që kishte mundur të përfundoi me fatalitet, kaloi nëpër nivelet shtetërore me avashllëk, ndërsa durimi i palëve kishte shteruar. Kanuni, sado që po përpiqemi ta lëmë si relikt, troket në zemrat tona dhe yshtë mendjet për të mbrojt nderin dhe për t ‘marrë hakun.

Kosova jonë, i vetmi vend Evropian igetoizuar, përpëlitet në mes modernes dhe antikes. Ka shumëçka ti dhuroj perëndimit, po ti krijohej qasje më e hapur. Rinia jonë, kapitali më ishtrenjtë, trishtueshëm ia kthen krahët vendlindjes, në kërkim të një bote më liberale, pa hipoteka të së kaluarës, e gatshme të rrezikoj kufijve.

Jeta me paradokset e veta, gjallon në Kosovë, me shpresën që t ’mos vdes shpresa…

(Autorja është MA në Politikë Ndërkombëtare dhe Diplomaci)