Faza në grupe e Ligës së Kampioneve ka arritur në ndeshjet e katërta dhe matematika mund të bëjë të vetën duke i mundësuar skuadrave të ndryshme që të hipotekojnë që tani kalimin për në turin tjetër.

, përcjell “Panorama Sport”.

Grupi A

Mjafton një fitore në transfertë për Arsenalin dhe PSG-në që të sigurojnë matematikisht kalimin në turin tjetër dhe sigurisht për të vazhduar garën mes tyre për vendin e parë.

Klasifikimi: Arsenal 7, PSG 7, Bazel 1, Ludogorets 1.

Sot: Bazel-PSG, Ludogorets-Arsenal

Grupi B

Gjithçka e hapur në Grupin B, ku sido që të shkojnë ndeshjet, asnjë ekip nuk arrin të sigurojë matematikisht kalimin e turit në këtë javë.

Klasifikimi: Napoli 6, Beshiktash 5, Benfika 4, Dinamo Kiev 1.

Sot: Beshiktash-Napoli (18:45), Benfika-Dinamo Kiev

Grupi C

Barcelonës i mjafton një barazim në stadiumin “Etihad” për të kaluar në turin tjetër.

Klasifikimi: Barcelona 9, Mançester Siti 4, Borusia Mynshengladbah 3, Sëlltik 1.

Sot: Borusia Mynshengladbah-Sëlltik, Mançester Siti-Barcelona

Grupi D

Atletiko siguron biletën për turin tjetër nëse mund Rostov, ndërsa Bajerni mund t’i bashkohet në fazën tjetër nëse kombinohet fitorja e bavarezëve me disfatën e rusëve në Spanjë.

Klasifikimi: Atletiko Madrid 9, Bajern Mynih 6, PSV Eindhoven 1, Rostov 1.

Sot: Atletiko Madrid-Rostov, PSV Eindhoven-Bajern Mynih.

Grupi E

Gjithçka është e hapur në këtë grup dhe me shumë mundësi, emrat e dy skuadrave që kualifikohen do të mësohen vetëm në ndeshjet e fundit.

Klasifikimi: Monako 5, Totenhem 4, Bajer Leverkusen 3, CSKA Moskë 2.

Nesër: Monako-CSKA Moskë, Totenhem-Bajer Leverkusen

Grupi F

Fitoret e Borusias dhe Realit mund t’i kalojnë këto skuadra menjëherë në turin tjetër, ndërsa do të mbetet për t’u përcaktuar në ndeshjet e fundit vetëm kush kryeson grupin.

Klasifikimi: Borusia Dortmund 7, Real Madrid 7, Sporting Lisbonë 3, Legia Varshavë 0.

Nesër: Borusia Dortmund-Sporting Lisbonë, Legia Varshavë-Real Madrid

Grupi G

Një fitore do të kthente “Hirushen” Leister në një realitet edhe në arenën ndërkombëtare, pasi do t’i siguronte kualifikimin pa telashe në turin tjetër anglezëve debutues.

Klasifikimi: Leister 9, Kopenhagë 4, Porto 4, Bryzh 0.

Nesër: Kopenhagë-Leister, Porto-Bryzh

Grupi H

Juventusi dhe Sevilja kanë në dorë fatin e tyre. Një fitore mëse e mundshme në shtëpi u lejon të mendojnë qetësisht për ndeshjen direkte që do të vendosë hierarkinë e këtij grupi, pasi kualifikimi do të ishte në xhep.

Klasifikimi: Juventus 7, Sevilja 7, Olimpik Lion 3, Dinamo Zagreb 0.

Nesër: Juventus-Olimpik Lion, Sevilja-Dinamo Zagreb.

Parashikoni ndeshje të futbollit dhe fitoni dhjetëra shpërblime, duke përfshirë një iPhone 6S dhe Samsung Galaxy S6.