Lideri i opozitës në Kanada i premton Thaçit: Do të ngrihemi kundër agresionit rus (Foto)

Lideri i opozitës në Kanada, Andrew Scheer, përmes një statusi në llogarinë e tij në Twitter, e ka falënderuar Presidentin e Kosovës, Hashim Thaçin, për “bisedën e rëndësishme mbi luftimin e makinerisë propaganduese ruse dhe influencës së saj në rritje në Evropë”.

Lajme

23/11/2017 19:28

Ai ka thënë se konservatorët e Kanadasë do të ngrihen në këmbë për popuj të lirë kundër agresionit rus.

“Faleminderit Presidentit të Kosovës për bisedën e rëndësishme mbi luftimin e makinerisë propaganduese ruse dhe influencës së saj në rritje në Evropë. Konservatorët e Kanadasë do të ngrihen në këmbë për popuj të lirë kundër agresionit rus”, ka shkruar Andrew Scheer, lider i opozitës në Kanada./Lajmi.net/