Në kuadër të Ligës së Kampionëve në futsall, skuadra kampione e Kosovës në këtë sport, Liburni, ka mposhtur Garges Djibsonin, kampionin aktual të Francës.

Në fitoren e skuadrës nga Gjakova, shkëlqeu futbollisti Halim Selmanaj, e po ashtu edhe Ramadan Alaj.

Liburni është pjesë e grupit të 5, dhe në ditët në vijim do të përballet me skuadrat Leo dhe Nacional.

Kjo fitore, skuadrën nga Kosova e favorizon për të kaluar në fazën tjetër si e para e grupit./Lajmi.net/