Lewis Hamilton shpallet kampion bote në Formula 1 – Lajmi.net
Lewis Hamilton shpallet kampion bote në Formula 1
Autori: Lajmi.net SportTë tjera 22:59, 29 October 2017
I duhej vendi i 5-të, për t’u shpallur kampion, por Lewis Hamilton e ka fituar titullin Kampion Bote në Formula 1 nga vendi i 9-të.

Britaniku Hamilton ka fituar trofeun e katërt personal në Formula 1, duke barazuar me tituj edhe rivalin e këtij sezoni, Sebastian Vettel.

Me 4 tituj në Formula 1, Hamilton bëhet edhe piloti britanik më i suksesshëm në një prej sporteve më të ndjekura në botë.

Ka nisur ashtu siç nuk mund të pritej kurrë gara për Çmimin e Madh të Meksikës, me dy pretendentët Vettel dhe Hamilton që pa mbaruar xhiroja e parë e kanë parë veten në dy vendet e fundit.

Vettel tentoi gjithçka për t’ia dalë mbanë duke e përfunduar garën në vendin e katërt, por nuk ka marrë pikët e nevojshme për të qenë akoma në garë me pilotin britanik. Ndërsa janë edhe 2 gara për t’u zhvilluar, diferenca mes 2 pilotëve është 56 pikë nga 50 që janë akoma në lojë.

Ende pa zbritur nga makina piloti britanik ka marrë urime nga skuderia e tij, por edhe nga shoku i tij Neymar, i cili ka udhëtuar drejt Meksikës për të ndjekur garën e mikut të tij.

IncidentiVettel nisej i pari, por Verstappen e ka parakaluar duke pasur edhe një kontakt mes tyre, piloti i Ferrarit është parakaluar menjëherë edhe nga Hamilton. Në kthesë ka pasur një tjetër kontakt, këtë herë mes Vettel dhe Hamilton, ku pjesa e përparme e Ferrarit është shpërbërë kur ka kapur në gomën e Mercedesit të Hamilton.

Fjalët kyçe: Formula 1, Lewis Hamilton

Fotolajm

‘’Në makinë, ka njerëz që nuk do të takohen kurrë më!’’
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Rock Wheels
  • Play Pro Kicker Frenzy
  • Play Bow Master Japan
  • Play Turbo Racing 3