Lewandowski i gëzuar dhe i mërzitur
Sulmuesi i Borussia Dortmundit, Robert Lewandowski është shprehur i lumtur pas kualifikimit të skuadrës së tij për në çerekfinale të Ligës së Kampionëve. Mirëpo, ai pranoi se skuadra nuk ishte në nivelin e duhur në duelin e kthimit të 1/8 së finales në humbjen 2:1 në shtëpi nga Zenit St Petersburg, dhe ka një arsye…
Sport
Sulmuesi i Borussia Dortmundit, Robert Lewandowski është shprehur i lumtur pas kualifikimit të skuadrës së tij për në çerekfinale të Ligës së Kampionëve.
Mirëpo, ai pranoi se skuadra nuk ishte në nivelin e duhur në duelin e kthimit të 1/8 së finales në humbjen 2:1 në shtëpi nga Zenit St Petersburg, dhe ka një arsye tjetër për të qenë i mërzitur.
“Nuk ishte një ndeshje e përkryer për ne”, deklaroi golgeteri polak pas përfundimit të takimit.
“Ne e dimë se mund të bëjmë punë më të mirë se kjo, por gjëja kryesore ishte kualifikimi për në rrethin tjetër”, shtoi Lewandowski, i cili u ndëshkua me karton të verdhë dhe do të mungojë në ndeshjen e parë të çerekfinales.
“Fatkeqësisht do të mungoj në duelin e parë të çerekfinales për shkak të suspendimit”, përfundoi ai.