Letra e Albert Kamysë për mësuesin e fillores

Albert Kamy shkroi një letër, dedikuar mësuesit të fillores, sapo fitoi Çmimin “Nobel", 1957.

Lifestyle

24/10/2016 17:12

Ja letra e plotë e Kamysë :

I Nderuar Monsieur Germain,

Lashë turbullirën që më ka rrethuar këto ditë të bjerë pak, përpara se të të flas nga thellësia e zemrës sime. Sapo më është dhënë një nderim shumë i madh, një që as i isha vënë pas, as e kisha kërkuar.

Por kur dëgjova lajmin, mendimi im i parë, pas nënës time, ishte për ty. Pa ty, pa dorën e dashur që ti shtrive drejt vogëlushit të vogël e të varfër që isha unë, pa mësimet dhe shembullin tënd, asgjë prej këtyre nuk do të kish ndodhur.

Nuk është se e mendoj kushedi çfarë këtë lloj nderi. Por të paktën ai më jep mundësinë të të them, atë që ti ke qenë dhe je ende për mua, si dhe të të siguroj se përpjekjet e tua, puna jote, dhe zemra bujare që ti vendos në to, jetojnë ende tek njëri prej vogëlushëve të shkollës ku jepje mësim që, pavarësisht viteve që kanë kaluar, nuk ka pushuar kurrë së qeni nxënësi yt mirënjohës.

Të përqafoj me gjithë zemër.

Albert!

19 Nëntor 1957

(Albert Kamy e fitoi Çmimin “Nobel” për Letërsinë në vitin 1957)  /lajmi.net/