Skuadra nga Premierliga është alarmuar pas lëndimit të Harry Kane, i cili do të mbetet jashtë fushave deri në fillim të muajit mars.

Një mungesë tjetër për Tottenham është edhe Son Heung-min, i cili i është bashkuar ekipit kombëtar të tij në Kupën e Azisë.

Në këtë situatë aspak të përshtatshme, Tottenham e shohin të domosdoshme transferimin e një emri për fazën e sulmit këtë muaj.

‘Sport’ raporton se Tottenham kanë nisur bisedimet me Barcelonën për transferimin e Malcom, përcjell ‘lajmi.net’.

Malcom i është bashkuar Barcelonës verën e kaluar, por nuk ka arritur të zë vend në formacionin e Valverde, duke regjistruar vetëm pesë paraqitje në La Liga./Lajmi.net/