Lekaj paralajmëron fuqizim të opozitës

Deputeti i Kuvendit të Kosovës nga radhët e Aleancës për Ardhmërinë e Kosovës (AAK), Pal Lekaj, ka paralajmëruar fuqizim të rolit opozitar në ditët e ardhshme.

Lajme

24/04/2015 07:47

Në një intervistë për të përditshmen ‘Epoka e Re’, ish kryetari i Komunës së Gjakovës, ka thënë se bashkimi i opozitës po ka efekt.

Lekaj po ashtu ka bërë me dije se do të vazhdohet edhe më fuqishëm lufta politike në Kuvend, kurse pakënaqësia qytetare me protesta.

Duke iu kundërpërgjigjur vlerësimeve të analistëve se opozita s’po ka oferta të reja, Lekaj ka thënë se opozita ka oferta dhe vizion të qartë për Kosovën dhe qytetarët e saj, mirëpo për shkak të mungesës së numrave nuk mund ta ndryshojë keqqeverisjen e koalicionit PDK-LDK.