LeBron James rikthehet në Cleveland
LeBron James ka bërë të ditur se do të rikthehet në Cleveland Cavaliers pas konfirmimit të largimit nga Miami Heat.
Sport
LeBron James do të rikthehet në Cleveland Cavaliers.
Si basketbollist i lirë pas largimit nga Miami Heat, James konfirmoi se do të rikthehet në skuadrën nga e cila u largua katër vjet më parë.
“Kur jam larguar nga Cleveland, isha në një mision”, deklaroi James për “SI”.
“Isha në kërkim të titullit të kampionit dhe ne i fituam dy. Por, Miami i dinte ndjenjat e mija. Qyteti ynë nuk e ka përjetuar një ndjenjë të tillë për një kohë të gjatë, shumë, shumë të gjatë. Andaj, synimi im është të fitoj sa më tepër tituj që është e mundur, pa dyshim. Por, ajo që është më e rëndësishme për mua është rikthimi i titullit në Northeast Ohio”, u shpreh ai.