Zyrtarë të kësaj partie thonë se në parim ata janë që të diskutohet për temat e mëdha, ndërsa lidhur me një përgjigje për ftesën e Veselit, do të njoftojnë në ditën në vazhdim.

Deputeti dhe sekretari i LDK-së, Ismet Beqiri ka thënë për lajmi.net, se temë e këtyre diskutimeve duhet të jetë edhe data e zgjedhjeve të parakohshme.

“Natyrisht se në parim jemi që të marrim pjesë në takime ku diskutohet për tema të interesit nacional, pasi edhe vet kemi iniciuar takime të tilla, por lidhur me ftesën e Veselit, opinioni do të njoftohet në ditët në vazhdim. LDK kërkon që temë e këtyre diskutimeve të jetë dhe data e zgjedhjeve të parakohshme”, ka thënë Beqiri për lajmi.net.

Kryetari i PDK-së, Kadri Veseli sot u ka dërguar ftesë partive politike për mbajtjen e një tryeze të përbashkët, ku siç thuhet në ftesë për të diskutuar për temat: Fazën përfundimtare të dialogut për normalizimin e marrëdhënieve Kosovë-Serbi; Hartimin e Statutit për Asociacionin e Komunave me Shumicë Serbe; Agjendën e Integrimeve Evropiane; Formimin e Ushtrisë së Kosovës; Reformën Zgjedhore.

Javën e kaluar me ftesë të LDK-së, ishte mbajtur një tryezë mes partive politike. Pas këtij takimi u tha se janë dakorduar që takimet e tilla të vazhdojnë dhe të thirren me rotacion nga secila parti./Lajmi.net/

Kjo është ftesa që Kadri Veseli i ka dërguar Isa Mustafës për tryezën e konsensusit /FOTO