Ta them troç e shqip, kjo që po thuhet është rrenë, sepse ju e dini që Isa Mustafa ka marrë 99 vota për dhe një kundër, sa për mësysh, nga Këshillit i Përgjithshëm, për të qenë kandidat për kryeministër”, ka thënë Beqiri.

Kreu i Grupit Parlamentar të LDK-së ka komentuar edhe një sondazh të publikuar të enjten në media, ku fituese e zgjedhjeve të ardhshme parlamentare del të jetë Partia Demokratike e Kosovës, e kryeministrit aktual, Hashim Thaçi.

Beqiri ka thënë se LDK nuk bazohet në sondazhe, por në votat e qytetarëve, dhe së është i sigurt që partia e tij do të dalë fituese e zgjedhjeve të ardhshme parlamentare, të cilat pritet të mbahen deri në fund të këtij viti.   

Sekretari i Përgjithshëm i LDK-së, Beqiri, i ka bërë këto komente të enjten, në një konferencë për media, ku së bashku me kryetarin e Degës së LDK-së në Ferizaj, Muharrem Sfarqa, njëherësh kryetar i komunës, kanë njoftuar gazetarët me prurjet e reja në këtë parti.