LDK-ja kundërshton rezolutën e Veselit, kërkon që vendi të shkojë në zgjedhje të parakohshme – Lajmi.net
LDK-ja kundërshton rezolutën e Veselit, kërkon që vendi të shkojë në zgjedhje të parakohshme
Autori: Lajmi.net LajmePolitikë 16:11, 11 October 2018
Shefi i Grupit Parlamentar të Lidhjes Demokratike të Kosovës, Avdullah Hoti, ka ritheksuar edhe një herë qëndrimin e partisë së tij në lidhje me rezolutën e pushtetit për dialogun me Serbinë.

Avdullah Hoti, shef i Grupit Parlamentar të Lidhjes Demokratike të Kosovës, përmes një postimi në profilin e tij zyrtar në rrjetin social “Facebook”, ka shkruar se për të mbrojtur integritetin territorial të Kosovës, opozita kishte propozuar rezolutën me të cilën sipas Hotit, do të vendoseshin vijat kryesore të kuqe në dialogun Kosovë-Serbi – territori i Kosovës të mos jetë pjesë e dialogut, përcjell lajmi.net.

Hoti po ashtu ka bërë të ditur se vetëm zgjedhjet i japin frymë demokracisë dhe institucioneve në vend, i cili shtoi se, çdo vonesë e bënë edhe më të paqartë të ardhmen tonë.

Postimi i plotë i Hotit pa ndërhyrje:

Si Lidhje Demokratike e Kosovës, për ta mbrojtur integritetin territorial të Republikës së Kosovës, kemi propozuar Rezolutën me të cilën do të vendosnim vijën kryesore të kuqe në dialogun Kosovë-Serbi – territori i Kosovës të mos jetë pjesë e dialogut.

Ata që sot po përpiqen të kontrabandojnë veten në këtë dialog, kanë qenë penguesit kryesor të përpjekjes tonë për ta mbrojtur shtetin.

Të tillët kanë dëshmuar tash e sa kohë se kurdo që ju nevojitet, e vejnë në pikëpyetje shtetësinë, pozitën ndërkombëtare dhe territorin e vendit. E kane filluar më 22 dhjetor të vitit të kaluar, e po vazhdojnë sot e gjithë ditën.

Të tillëve, jo që nuk duhet votuar rezolutën, por një orë e para duhet larguar nga pushteti.

Vetëm zgjedhjet i japin frymë demokracisë dhe institucioneve në vend. Çdo vonesë e bënë edhe më të paqartë të ardhmen tonë. /Lajmi.net/

Fotolajm

Rozana Radi provokon nga pasqyra, shfaq gjoksin më shumë se ç’duhet
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO