Skuadra nga kryeqyteti italian ka arritur të mposht 2:0 Hellas Veronan në ndeshjen e mbetur të xhiros së 25-të.

Lazio gjatë gjithë kohës ishte skuadër më e mirë, por për golat e fitores është dashur të pritet deri në pjesën e dytë.

Ishte sulmuesi Ciro Immobile që shënoi dy herë, në minutat 56’ dhe 60’.

Me këtë fitore, Lazio numëron 49 pikë dhe renditet në vendin e katërt, me një pikë më pak se Roma e vendit të tretë, e po ashtu një pikë më shumë se Interi i vendit të pestë./Lajmi.net/