Lavrov i ka bërë këto akuza gjatë një bisede telefonike me Sekretarin amerikan të Shtetit, John Kerry, ka njoftuar ministria e jashtme e Rusisë.

Pak orë përara bisedës telefonike, Shtetet e Bashkuara të Amerikës kanë akuzuar Rusinë se ka vendosur sisteme të reja të mbrojtjes raketore në lindje të Ukrainës, dhe se është përfshirë në trajnimin e forcave separatiste në zonë.

Në një konferencë për medie në Washington, zëdhënësja e Departamentit amerikan të Shtetit, Marie Harf, ka thënë se kjo është sasia më e madhe e pajisjeve të mbrojtjes ajrore ruse në lindje të Ukrainës, qysh nga muaji gusht.