Lavdrim Muhaxheri kërkohet nga Interpoli
Lavdrim Muhaxheri, pjesë e grupit terrorist të ISIS që po lufton në Siri dhe Irak, tani është i kërkuar edhe nga Interpoli.
Lajme
Xhihadisti shqiptar nga Kosova, Lavdrim Muhaxheri, për të cilin kohëve të fundit është raportuar të jetë vrarë gjatë luftimeve në Siri, lajm që nuk është konfirmuar, është futur në listën e të kërkuarve nga Interpoli.
Muhaxheri javë më parë shfaqi disa fotografi ku shiheshin skena teksa i prente kokën një djali të ri.
Ai tani gjendet edhe zyrtarisht në listën e kriminelëve më të kërkuar nga Interpol.
Gjithashtu edhe Policia e Kosovës, ka bërë të ditur se ka lëshuar fletë-arrest për Muhaxherin.