Latifi: Kam refuzuar post në qeveri që të kandidoj për kryetar të Rahovecit – Lajmi.net
Latifi: Kam refuzuar post në qeveri që të kandidoj për kryetar të Rahovecit
Autori: Lajmi.net LajmePolitikë 21:45, 14 November 2017
Kandidati i AAK-së për kryetar të Rahovecit, Smajl Latifi ka thënë se nuk është i kënaqur me rezultatin në raundin e parë të zgjedhjeve në garën për kryetar, ani pse ka dalë i pari me 33 për qind.

Ai ka thënë në Magazina Lokale se ka refuzuar post qeveritar, vetëm e vetëm që garojë për kryetar në këtë komunë, njofton Klan Kosova.

“Qytetarët e kanë ditur se do të jem kandidat dhe edhe kryetar i komunës”, ka thënë ai.

Më tej Latifi ka prezantuar planin e tij për fusha të caktuara

Bujqësia:

“Bujqësia do të jetë prioritet me buxhet. Buxheti për bujqësi do të jetë një milion euro. Një pjesë e konsiderueshme e qytetarëve tanë merren me bujqësi dhe komuna duhet ta dëshmojë duke e bërë prioritet”.

“Një milion euro do të jenë investime në rrugë fushore, do të jepen grante për serra, ferma, farëra, plehra kimike etj”.

“Një pjesë e subvencioneve do t’ju jepen direkt fermerëve. Edhe ky një milion do të jetë i pamjaftueshëm, por buxheti për bujqësi do të rritet.  Do të bëjmë presion në qeveri për rritje të subvencioneve”, ka shtuar Latifi.

Uji dhe kanalizimi:

Latifi ka thënë se trajtimi i ujërave të zeza është prioritet i tij.

“Do të përkushtohemi që të ndajmë mjete, të kërkojnë ndihmën e qeverisë dhe donatorëve. Projektet afatgjate është kolektori që është i kushtueshëm, por duhet të kryhet përmes ndonjë kredie të butë apo ndihmës së qeverisë”.

“Kemi problem me ujëra të zeza ashtu sikurse edhe me ujë të pijshëm, sidomos gjatë verës. Zgjerimi i sistemit të ujitjes është bërë edhe nga komuna me participim, por duhet të bëhet edhe më shumë”.

“Mund të bëhen faza e dytë ku do të përfshihen tokat bujqësore çka do të bënte që të dyfishohej rendimenti”, ka thënë ai ndër të tjera.

Fotolajm

Rozana Radi provokon nga pasqyra, shfaq gjoksin më shumë se ç’duhet
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO