Cesc Fabregas është lojtar i ri i Chelseat dhe largimi i tij mund t’i kushtojë shtrenjtë Barcelonës.

Sipas të së përditshmes spanjolle, Marca, ekziston një klauzolë e cila e parasheh pagesën prej 5 milionë eurove për lojtarin, në rast të largimit të tij.

Një shifër të cilën vetë Fabregas e kishte paguar vetëm për t’u transferuar në Camp Nou nga Arsenali, ndërsa tash Barça duhet ta bëjë të njëjtën gjë.

Fabregas nuk e gjeti veten në Barcelonë dhe largohet kështu pa lënë ndonjë gjurmë, në kërkim të rikthimit të formës në Premierligë, ku ishte yll me Arsenalin.