Laportë: Ky është klubi më i madh në botë
Mbrojtësi i Athletic Bilbaos, Aymeric Laporte ka thënë se Barcelona është klubi më i madh në botë por ai ende nuk ka vendosur rreth largimit nga skuadra baske.
Sport
Aymeric Laporte është futbollist i kërkuar nga disa prej klubeve më të mëdha në botë.
Por, mbrojtësi i Athletic Bilbaos ka insistuar se ende nuk ka asgjë konkrete në lidhje me largimin nga klubi.
Por, ai pranoi se ka vetëm lëvdata për Barcelonën.
“Spekulimet janë gjithmonë, por jam i përqendruar tek sezoni im me Athletic Bilbaon”, deklaroi ai për “Football365”, përcjell “Lajmi.net”.
“Barcelona është klubi më i madh në botë, nuk ka dyshime, por për momentin nuk ka asgjë. Askush nuk më ka kontaktuar dhe klubi nuk më ka dhënë asnjë njoftim”, u shpreh Laporte.