Frank Lampard ka njoftuar se do të pensionohet nga Anglia, pas Kampionatit botëror.

35-vjeçari do të jetë kapiten i Anglisë në miqësoren kundër Ekuadorit të mërkurën, në përgatitje për fillimin e garës në Brazil.

I pyetur nëse Kampionati botëror do të jetë gara e lamtumirës për të, Lampard tha për BBC Radio 5 Live: “Ashtu duket”.

“E kam të vështirë të gjej fjalë për ta përshkruar, sepse jam shumë krenar që luaj për vendin tim”. Lampard, i cili ka bërë 103 paraqitje ndërkombëtare, po ashtu konfirmoi largimin nga Chelsea.

“Kush e di se çka do të ndodh? Shpresojmë të kalojmë një Kampionat botëror të suksesshëm e pastaj do të flas”, u shpreh ai.

Selektori i Anglisë, Roy Hodgson ka në dispozicion të gjithë futbollistët për miqësoren kundër Ekuadorit në Miami.