LajmiVOX: Qytetarët konsiderojnë se Demaçi e meriton Nobelin për Paqe (Video) – Lajmi.net
LajmiVOX: Qytetarët konsiderojnë se Demaçi e meriton Nobelin për Paqe (Video)
Autori: Lajmi.net LajmiVOX 15:27, 6 October 2016
Adem Demaçi
Akademia suedeze ka bërë të ditur se nesër do të ndajë çmimin Nobel për Paqe. Për këtë çmim, kandidat është edhe veprimtari Adem Demaçi

Kryetari i Unionit të Shkrimtarëve të Kosovës, Reshat Sahitaj, ka deklaruar se të fitohet apo të qenit pjesë e garave për çmime botërore, siç është ai i Nobelit, është çështje e përmirësimit të imazhit të Kosovës në çdo aspekt.

Sahitaj, i cili është iniciues i kandidimit të Demaçit për këtë çmim, po beson se veprimtari nga Kosova ka gjasa të laureohet me Nobel pasi ka ndodhur disa herë që fituesit e çmimit Sakharov, të fitojnë edhe Nobelin për Paqe.

Çmimi Nobel për Paqe si asnjëherë tjetër, këtë vit ka 376 kandidatura. Sipas mediave greke, megjithëse banorët e Lesbosit kanë shumë mundësi për të qenë fitues të tij, “rrezikohen” seriozisht nga kandidatura e marrëveshjes së paqes në Kolumbi, para disa ditësh që i dha fund një lufte gjysmëshekullore.

Disa qytetarë të Prishtinës nuk kursejnë fjalët më të mira për kandidaturën e Adem Demaçit për çmimin Nobel për Paqe. Ata shprehen optimistë se nesër ky çmim do t’i ndahet Adem Demaçit.

“Për Adem Demaçit mendoj që duhet me ja dhanë çmimin. E meriton në çdo aspekt këtë çmim. Është simbol i kombit e lirisë. Ai ka sakrifikuar çdo gjë për të drejtat e barabarta. Duhet me ja dhanë këtë çmim”, u shpreh një qytetar.

“Se di a ka me marr a jo, po moti është dashtë me ja dhanë këtë çmim. E meriton Demaçi është njeri ideal për çmimin Nobel”, tha një tjetër.

“Propozim i qëlluar është. E meriton Adem Demaçi këtë çmim”.

“Ai ka qenë në burg për 30 vite dhe krejt jetën e ka kaluar në burg për këtë popull. Unë e di që ka merita të mëdha. Shpresoj që nesër t’ia japin këtë çmim sa është gjallë”, tha për LajmiVOX një qytetar.

“E meriton, e meriton, Të vegjël jemi ne të flasim për Adem Demaçin”. /lajmi.net

Fotolajm

Rozana Radi provokon nga pasqyra, shfaq gjoksin më shumë se ç’duhet
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO