LajmiVOX: Qytetarët ankohen për vonesat e punimeve mbi ‘kurriz’ të Dardanisë (Video)
Ka më shumë se një vit që kanë filluar punimet te platoja e “Kurrizit” në Dardani. Punët për rregullimin e platosë kanë filluar në qershore të vitit të kaluar. Sipas qytetarëve, e po ashtu edhe bizneseve që veprojnë në atë pjesë, këto punime po shkojnë me hapa të breshkës.
Lajme
Punët po zhvillohen në mënyrë shumë të ngadaltë.
Bizneset ankohen se me të filluar punimet, puna e tyre ka rënë nga 50 deri në 95 për qind. Kurse, me ato të ardhura ata mbajnë familje, që nuk janë aspak të mjaftueshme. Sipas shumicës së tyre, Komunae Prishtinës, i ka fajet për këto vonesa pasi që ka kontraktuar kompani joprofesionale.
“Punimet mirë po duken por shumë ngadalë. Ka qen nevojë e kahershme që kjo pjesë të rregullohet. Tepër ngadalë po punojnë. U harru kur kanë filluar punimet”, u shpreh një qytetar për rubrikën “LajmiVOX”.
“Asesi hiq nuk po zhvillohen punimet, është dashtë moti të përfundojnë punët. As qereçin e punës nuk e kanë krye. Marrin tenderë kompani me dy punëtorë. Nuk punohen me dy punëtor. Këto vonesa po na pengojnë shumë. Tmerr është kjo gjendje këtu”, tha njëri punëtor.
“Punët nuk e di që sa kanë filluar. Punët po zhvillohen shumë mirë. Cilësia është shumë e duhur”, u shpreh një qytetar.
“Boll ngadalë është shkuar. Që një vjet kanë filluar punët”, tha një banore
“Me kaq pak punëtorë gjithë kjo plato nuk rregullohet”, tha njëri qytetar.
Por, numri i punëtorëve të cilët punojnë në plato, sipas qytetarëve është aq i vogël, saqë këto punime jo që nuk do përfundojnë do të zgjasin me vite. /Lajmi.net/