Gjykata Supreme vendos që Istogu të shkojë në rivotim
Gjykata Supreme ka vendosur që në Istog të ketë rivotim.
Lajme
Nëprmjet një komunikate për media, Supremja ka bërë të ditur se ankesat e LDK-së dhe AAK-së janë refuzuar.
“Gjykata Supreme ka vendosur lidhur me ankesat e subjekteve politike, Lidhjes Demokratike të Kosovës (LDK) dhe Aleancës për Ardhmërinë e Kosovës (AAK), të paraqitura kundër vendimit të Panelit Zgjedhor për Ankesa dhe Parashtresa (PZAP). Kolegji i Gjykatës Supreme, ka refuzuar si të pathemelta ankesat e subjekteve politike LDK dhe AAK, të cilat kanë kundërshtuar vendimin e PZAP-së, duke vendosur kështu që Istogu të shkojë në rivotim”, thuhet në komunikatën e Gjykatës Supreme.
Ndryshe, AAK kishte kërkuar që të mos ketë rivotim, kurse LDK-ja ishte ankuar që të anulohen votat me kusht dhe me postë, e Haki Rugova të jetë kryetar. /Lajmi.net/