Lajm për ata që nuk u janë rimbursuar kuponët fiskalë ende – Lajmi.net
Lajm për ata që nuk u janë rimbursuar kuponët fiskalë ende
Autori: Lajmi.net EkonomiLajme 11:36, 11 April 2017
Qytetarë të shumtë janë ankuar për mos rimbursim të kuponëve fiskalë për tremujorin e fundit nga Administrata Tatimore e Kosovës.

Sipas Zyrës për Informim në ATK, Valentina Bytyqi-Sefa kjo gjë megjithatë do të ndodhë, por për shkak të numri të madh të qytetarëve që janë interesuar për të qenë pjesë e fushatës ka zgjatur më shumë procesi i rimbursimit.

“Administrata Tatimore e Kosovës për hir të korrektësisë, ka njoftuar me kohë të gjithë qytetarët të cilët kanë dorëzuar plikot e tyre për rimbursim nga kuponët fiskal për TM4 2016, se verifikimi i plikove ende nuk ka përfunduar, pasi që interesimi i qytetarëve për të qenë pjesë e kampanjës edhe në këtë periudhë ka qenë tejet i madh”, ka thënë Bytyqi-Sefa për Arbresh.info.

Për tremujorin e parë të vitit 2017 bëhet e ditur se janë përcjell për rimbursim 1,068,667 pliko, ndërsa deri tani janë rimbursuar 19, 755 euro.

Numri i zarfeve që ende nuk janë verifikuar është i konsiderueshëm, por është duke u punuar që të përfundojë sa më shpejt rimbursimi i kësaj periudhe.

“Zyrtarët nga departamenti përkatës, janë duke punuar në vazhdimësi në mënyrë që të gjitha plikot e kësaj periudhe të përfundojnë sa më shpejt që është e mundur”, tregon për Arbresh.info, Zyra për Informim në ATK.

Fjalët kyçe: ATK, Kupon fiskal, rimbursimi

Fotolajm

Kim Jung, bëhet pjesë e batutave
?>

ke nje LAJM

Jeni në vend të ngjarjes, apo dëshironi ta ndani ndonjë storie me të tjerët?

Klikoni në butonin më poshtë

DËRGO
 

Lojëra

  • Play Bike Rivals
  • Play Bubble Trouble
  • Play Bow Master Japan
  • Play Rock Wheels