Ky trik në iPhone ju tregon se sa i fuqishëm është sinjali juaj (Foto)
Ju ka ndodhur ndonjëherë që të jeni në një vend dhe të keni probleme me sinjal? Nëse keni një iPhone, ekziston një trik i vogël i cili ju mundëson ta shihni fuqinë e vërtetë të sinjalit tuaj.
Auto & Tek
Siç e dini, pikat lartë në ekranin e iPhone e shfaqin gamën e sinjalit, jo fuqinë. Kjo do të thotë se edhe pse mund t’i keni të gjitha pikat e valëve, ju ende mund të keni probleme me sinjalin.
Nëse dëshironi ta dini fuqinë e vërtetë të sinjalit në iPhone, ndiqni këta hapa:
Hynë në fushën testuese
Për ta bërë këtë, thirrni në *3001#12345#*
Celulari do të futet në “Fushën Testuese” dhe sinjali juaj do të shndërrohet në një numër, shkruan lajmi.net.
Mbajeni të shtypur butonin e mbylljes (butonin lartë) derisa “slide to power off” të shfaqet në ekran.
Shtypeni butonin home dhe mbajeni të shtypur për gjashtë sekonda.
Celulari do të kthehet në ekranin kryesor dhe fuqia e sinjalit tuaj do të shfaqet me numra. Ju do të shihni se numrat e fuqisë së sinjalit tuaj janë në negativ. Kështu, prej 0 deri në -80 cilësohet si një sinjal i mirë, përderisa numrat prej -100 dhe -120 konsiderohen si sinjal shumë i dobët.
Për t’u kthyer në gjendjen e mëparshme vetëm thirrni përsëri në numrin e cekur lartë. /lajmi.net