Ai peshon 190 kilogramë dhe e ka lënë shkollën për shkak të peshës së tij. Ai e ka arritur këtë peshë pasi hante 5 vakte në ditë, përcjell lajmi.net

Prindërit e tij e kanë pasur problem të gjejnë rroba për të, por tani ai ka hyrë në një dietë të rreptë për të shpëtuar nga mbipesha.

Nëna e tij, Rokayah Somantri tha se: “Ai është i uritur gjithmonë dhe është në gjendje që në një vakt të hajë ushqimin që hanë dy të rritur. Ai vetëm fle dhe qëndron në një “vaskë” të mbushur me ujë, me orë të tëra”.

“Nuk ka dhimbje më të madhe sesa të përballesh me vuajtjet e fëmijës tënd. Djali im nuk mund të shkojë në shkollë ngase për shkak të peshës nuk mund të ecë pa ndihmën time”, ka vazhduar rrëfimin e ëma.

“Ai mund të bëjë vetëm disa hapa dhe pastaj e humb ekuilibrin. Unë dua t’a shoh djalin tim duke shkuar në shkollë dhe duke luajtur me fëmijët e lagjës”, ka thënë ajo.

Prindërit e tij kanë treguar se fillimisht fëmija i tyre ishte vetëm më i shëndoshë sesa fëmijët tjerë, por pastaj pesha e tij doli jashtë kontrollit.

Rokayah, babai i djaloshit ka treguar se mjekët nuk kanë gjetur asgjë jonormale sa i përket peshës së tij jashtëzakonisht të tepërt.

“Unë kam para për të blerë mjaftueshëm ushqim për të, por edhe nëse nuk do të kisha do të huazoja sepse nuk mund ta lë të uritur”, ka treguar babai i tij.

“Unë nuk jam në gjendje të përballoj financiarisht spitale të shtrenjta por dua ta shoh birin tim në peshë normale. Kam filluar një dietë me oriz të zi për të, por nuk e di nëse do të ketë efekt por kjo është e vetmja që mund të bëj për të parandaluar një rritje peshe edhe më të madhe”, ka përfunduar ai./lajmi.net