Kuvend, ligji i gjuhëve shtyhet për në fund të seancës
Ka zgjatur më shumë se një orë ndërprerja e seancës në Kuvendin e Maqedonisë pas tensionit të krijuar më herët mes opozitës dhe kryetarit të Kuvendit.
Lajme
Por pas këtij pushimi ka pasur edhe ndryshime të rendit të ditës ku është vendosur që në fillim të votohen pikat e tjera të rendit të ditës, ndërsa më pas do të jepet përsëri gjysmë ore pushim për koordinatoret e grupeve parlamentare që të takohen para se të kalohet ne pikën e ligjit të gjuhëve.
Për shkak të tensionit të krijuar brenda në seancën, kreu i Kuvendit Talat Xhaferi me kërkesë të opozitës kishte dhënë pushim një orësh, raporton Alsat-M.
Në fillim të seancës, pjesa më e madhe e deputetëve të VMRO DPMNE-së u paraqitën për procedurale kurse deputeti Ilija Dimovski kërkoi që çështja të kalojë në Komisionin për Çështje të Rregullores për të zgjidhur paqartësitë rreth 35 mijë amendamenteve të kësaj partie.