Në një përgjigje për Top Channel, Gjykata Kushtetuese e Kosovës ka konfirmuar pranimin e lëndës, ndërsa gjyqtarët e këtij institucioni ende nuk janë takuar për të vendosur për pezullimin e përkohshëm të funksionimit të Kuvendit, siç kanë kërkuar parashtruesit e ankesës.

Gjatë kësaj jave, ekipi i gjyqtarëve që do të trajtojë lëndën e Kuvendit pritet të vendosë nëse kryeparlamentari Isa Mustafa mund të thërrasë mbajtjen e ndonjë seance, apo do të vendosin që ta “ngrijnë” postin e tij deri në përfundim të procesit gjyqësor në Kushtetuese.