Kumanovari ka një dhuratë të veçantë për Xherdan Shaqirin (Video)
Dashuria që kanë shqiptarët për sportin, por për futbollin në veçanti, është e madhe. Por kur në ekipe të mëdha luajnë edhe vetë shqiptarët, atëherë kjo simpati për këtë sport bëhet edhe më e madhe, raporton lajmi.net.
Fun
E për të treguar respektin dhe dashurinë që shqiptarët kanë për bashkëkombësit e tyre që luajnë në liga të ndryshme evropiane, por edhe për shtete të forta, ka mënyra të ndryshme.
Një mënyrë të veçantë për të shprehur dashurinë ndaj Xherdan Shaqirit, futbollistit nga Zhegra e Gjilanit që luan për kombëtaren e Zvicrës, ka zgjedhur Nexhmedin Arifi nga Kumanova, raporton lajmi.net.
Ai ka vendosur që të vizatojë portretin e Shaqirit si shenjë dashurie ndaj këtij futbollisti.
Për ta dëshmuar këtë, ai e ka xhiruar tërë procesin e vizatimit duke e përshpejtuar videon e cila në kohëzgjatje prej 4 minutash, dëshmon se futbollisti Xherdan Shaqiri tashmë e ka një portret të gatshëm në Kumanovë./lajmi.net