Eshtrat e kosovarit identiteti i të cilit nuk dihet ende, u varrosën në fshatin Domaj saktësisht në vitin 1999 pasi liqeni që ndan Kosovën me Shqipërinë e solli atë për t`u gjetur i pajetë e me plagë në trup, njofton Klan Kosova.

Mësohet se kosovari në vitin 1999 mësyu rrugën për në Kukës, bashkë me mijëra kosovarë për t’i shpëtuar regjimit serb, por nuk kishte arritur të shpëtonte.

Ndërkohë  KMDLNj e Prizrenit  në një reagim të saj thotë se autoritetet kosovare dhe ato shqiptare më 2009, janë njoftuar për këtë ngjarje por ky rast është neglizhuar shumë.

Tutje KMDLNj thotë se ky veprim është për t’u kritikuar madje ashpër pasi ende me të tillë ritëm nëse vazhdohet familjarët që presin të zhdukurit e tyre mund të mbesin për shumë vite në ankth.

”Përkudndër faktit që KMDLNJ ka njoftuar për rastin, e që më pas raportoi edhe Klan Kosova, rasti është bërë i ditur për autoritetet kosovare dhe shqiptare më 2009, para tetë vjetësh, rasti është neglizhuar shumë, sa që është për tu kritikuar dhe atë ashpër, ngase nëse vazhdojmë me këtë ritëm, mbetet që familajrët të presin edhe shume vite në ankth,!” thuhet në kumtesën e KMDLNj-së, transmeton Klan Kosova.

Ndërkohë 4 vjet më parë, Klan Kosova kishte raportuar për kosovarin e vrarë ngas paramilitarët serbë në 1999, e cili mbeti i varrosur tash e sa vjet në Shqipëri pasi autoritetet e vendit nuk kishin bërë asgjë në drejtim të këtij rasti.