Kuka thotë se ky është suksesi më i madh i Kosovës në ‘Grand Prix’
Driton Kuka është deklaruar i lumtur me suksesin e ekipit kombëtar të xhudos në ‘Grand Prixin’ e organizuar në Tunizi.
Sport
Kosova ka arritur që në këtë turne të fitoi një medalje të artë dhe dy të argjendta.
Ishte Nora Gjakova që fitoi të artën, ndërsa të argjendtat u fituan nga Distria Krasniqi dhe Akil Gjakova.
Ky sukses është më i madhi për Kosovën në Grand Prix, ka bërë të ditur Kuka në një shkrim në Facebook.
Shkrimin e Kukës mund ta gjeni në pjesën e mëposhtme:
“Suksesi më i madh i Shtetit tonë në Grand Prix deri më tash!
Një e artë e dy tē argjendta!
Medalja e parë në konkurrencën e meshkujve e argjendta e Akilit sot shkëlqen si ari!
Nora,Disi e Akili edhe pa prezencën e Kampiones Olimpike performuan bukur dhe nisën me sukses këtë vit!
Po e ripostoj foton e Akilit si një fitore briliante gjatë ditës së sotme!
Personalisht medalja e Akilit për mua si trener i tyre paraqet impuls të ri në ekipin tonë dhe medaljet Elitare tani më po vijnë edhe për meshkuj!”./Lajmi.net/