Ky samit, bëhet e ditur se, organizohet nën patronatin e Ministrit të Drejtësisë së Mbretërisë së Bashkuar, dhe është ndër forumet më të rëndësishme në fushën e drejtësisë në botë, që këtë vit organizohet për nder të 800 vjetorit të vulosjes së Magna Kartës. 

Samiti mbledh krerët e drejtësisë në botë, duke përfshirë këtu ministra të drejtësisë të Evropës dhe botës, gjyqtarë të gjykatave ndërkombëtare, avokatë e kontribuues të shquar të drejtësisë në botë. 

Pjesëmarrja e Kosovës në këtë forum, sipas MD-së, paraqet një avancim të raporteve në fushën e drejtësisë jo vetëm të marrëdhënieve bilaterale me Mbretërinë e Bashkuar por edhe rast i mirë për të ngritur praninë në fushën ndërkombëtare të drejtësisë.