Kuba, rrëzohet avioni i ngritur nga Havana me 104 vetë në bord
Një avion “Boeing 737” i linjës kombëtare ajrore të Kubës, “Cubana de Aviacion”, me 104 vetë në bord, është rrëzuar vetëm pak pasi ishte ngritur në fluturim nga Aeroporti ndërkombëtar “Jose Marti” i Havanës, lajm që raportohet nga televizioni shtetëror kuban këtë të premte.
Bota
Fluturimi ajror ishte nisur drejt qytetit kuban, Holguin, por udhëtimi ka përfunduar me tragjedi, duke shkaktuar shumë të vdekur, deklaroi një burim i aeroportit për “CNN”, por pa dhënë detaje mbi numrin e viktimave.
Një shtëllungë e madhe zjarri dhe reja e dendur e tymit që pasoi ishin të dukshme ngado përreth kryeqytetit kuban, sipas dëshmitarëve.
“Cubana de Aviacion”, linja ajrore kombëtare e Kubës, është dashur të lërë në tokë disa prej avionëve të saj më të vjetër si pasojë e problemeve të sigurisë, ndërsa shkaku i rrëzimit të kësaj të premteje nuk bëhet ende i ditur.
