Kryetari i Rinisë Demokratike, Donjet Bislimi: Dekada e Re, mundësi për secilin
Kryetari i Rinisë Demokratike, Donjet Bislimi, ka falënderuar të rinjtë e PDK-së për angazhimin në procesin zgjedhor, të cilin ai e ka quajtur të shkëlqyeshëm, ndërsa është shprehur i lumtur që do të punojë bashkë me ta.
Lajme
Në një video-mesazh, ai ka thënë se mijëra të rinj i janë bashkuar Partisë Demokratike të Kosovës, për t’u bërë pjesë aktive e Platformës së Dekadës së Re.
“Të rinjtë i besojnë PDK-së dhe kanë arsye për këtë. Sepse, është e vërtetë, askush më shumë nuk ofron hapësirë zhvillimi për ta”, është shprehur Bislimi.
Kryetari i ri i Rinisë Demokratike, po ashtu, ka pohuar se Dekada e Re është programi më i mirë, më i natyrshëm dhe më konkret për të ardhmen.
“Dekada e Re është mundësi angazhimi për secilin”, ka deklaruar ai.