Përmes një postimi në Facebook, Mustafa ka pyetur se përse në krye të këtij institucioni është zgjdhur një zyrtar i AAK-së,.

Mustafa përmes këtij postimi ka pyetur anëtarët e bordit se a detyruan që të shkarkojnë drejtorin paraprak ende pa i përfunduar mandati.

Lajmi.net më herët kishte raportuar për shkarkimin e ish-drejtorit, Ekrem Hajdarit dhe arsyet e një veprimi të tillë.

Lexo edhe:

“Puçi” i drejtorëve të bordit të AKP-së ndaj Ekrem Hajdarit, cila është e vërteta?

I njëjti për lajmi.net kishte thënë se arsyet e dhëna nuk qëndrojnë dhe se AKP kishte shënuar rezultatet positive gjatë udhëheqjes së tij.

Ndërkaq, anëtarët e bordit nuk kishin pranuar të komentonin rreth arsyeve të mundshme të shkarkimit.

Ky është postimi i plotë i Mustafaës në Facebook:

 Bordi i Drejtorëve të AKP-së zgjodhi për drejtor menaxhues të Agjencisë së Privatizimit, sekretarin organizativ të AAK-së.

Kur në fund të muajit tetor reagova për shkarkimin e ish drejtorit të AKP-së dhe dorëheqjen e Kryetarit të Bordit, me një prononcim të gjatë Bordi i Drejtorëve të AKP-së, më 30 tetor 2018, më reagoi ashpër duke më mbajtur shumë ligjërata, ndër të tjera se “pra, AKP nuk është agjenci qeveritare dhe as politike, por është institucion i Kuvendit, mbikëqyret nga Kuvendi dhe i raporton Kuvendit të Republikës së Kosovës”.

Mirë shumë!

Tani unë i pyes anëtarët e Bordit, a nuk patët kandidat tjetër përveç sekretarit organizativ në AAK-së për drejtor menaxhues.

A u detyruan, juve “të institucionit të pavarur” ta shkarkoni drejtorin e mëparshëm pak pa i kaluar mandate, për ta zgjedhur ish zyrtarin e AAK-së??

A e ndjeni edhe më tutje veten se jeni të pavarur si institucion apo jeni strukë nga frika se edhe juve ua vejnë ndonjë taksë.

Pyes edhe Kuvendin, pse po lejon që agjencitë e saj të politizohen dhe të kapen nga interesa të drejtpërdrejta partiake?
Veprimet e tilla konsideroj se janë të dëmshme, ato bëhen për interesa klienteliste të Qeverisë dhe AAK-së, çmimin e të cilave e paguan shteti i Kosovës dhe qytetarët e Kosovës. /Lajmi.net/